&&&&做法真系天理不容，人神共愤，我吾去做ｄ野真系对吾住好多比佢害过嘅人！！但系佢位高要职，我都只系散仔一名，呢一刻都冇羊可以做到对付佢，唯有系等卓晧搵到机会，再配合佢将个衰人治罪。
不过我都吾应该羊都吾做，起码呢段时间应该多ｄ了解Peter呢个人，知多ｄ佢嘅野。况且，虽然主观上我系好相信卓晧讲嘅野，但系冇见佢咁多年，佢而家嘅背景都系靠Johnny比我嘅资料，我都应该求证一下佢讲关於Peter嘅野，如果当中系有隐瞒而另有目的嘅话，我就会好似傻仔咁比佢的几个攞佈，為左自己我都要小心ｄ。况且如果Peter真系卓晧讲嘅果种人，咁我都要睇吓究竟重有边个高层系信得过，我要直接向佢埋手。
同情报科阿头程志毅（Peter）都算系合作左一段时间，佢系一个比较沉实嘅人，比较準确离讲应该系深沉，无谓嘅野吾多讲，為人低调，同下属吾算系好 close，我同佢都只系君子之交，上司同下属关系，吾算好熟。响我印象中，佢系一个好能干嘅人，做野好认真，听ｄ师兄讲佢以前嘅表现都好好，又得上头嘅欢心，四十岁出头就已经升到去呢个位吾容易，响我心目中佢嘅工作歷程都算系我地好多同期学员嘅奋斗目标，我原本都几尊重同欣赏佢，所以当卓晧同我讲有关佢嘅所作所為，我都会有ｄ怀疑。但系卓晧讲嘅野，同我所知嘅野又真系好吻合，唯一令我諗吾明嘅系如果当日卓晧细佬果单野搞到咁大件事，冇理由成个警界都好似冇羊人知咁嘅，我都有问过ｄ师兄师姊，佢地都系知ｄ吾知ｄ，多数都系二手情报，冇一个可以第一身讲到比我知，吾通件事真系可以收得咁密？我真系諗吾通。不过如果阿头真系為求掩饰自己嘅错误而做出咁卑鄙嘅行為，咁我都真系要替天行道，帮卓晧细佬攞返个公道，為警界扫除瘀血。
為求查出真相，我用尽情报科好友嘅关系，终於比我查到比较实质嘅资料，卓告细佬嘅file确实存在，佢有冇做过卧底就吾容易查到，但卓晧讲之后发生嘅事就完全吻合，证明佢冇唉我。查完卓晧当然就系阿头Peter，情报科当然吾会有佢嘅file，我只好向ｄ旧同事打探：佢都好肋，好后生就考到督察，之后就平步清云，破过好多大case，好多高层睇好佢，四十出头就做到呢个位都算系少数，吾怪得卓晧果单野咁大鑊都可以收得咁密，一定系有好多高层保住佢。佢咁成功嘅原因有两个版本，有d人话系佢自己本事，呢点我都认同，佢做起野离又真系好好；但又有ｄ人有另一个睇法：原来佢一考到督察冇耐就结左婚，一年都未够就生左个仔，好多人话佢系奉子成婚，咁呢个年代又吾系羊大件事，不过原来佢老婆系警队高层嘅一个独女就好多人都吾知，上次佢升级，佢就摆左几围请晒好多高层同我的班散仔贺佢，果次我都见过佢老婆同佢个仔，话时话佢个仔而家都已经大学毕左业做紧野啦。我的好多伙记都好羡慕佢，四十出头，又娶左个高层嘅女做老婆，上面有人射住，真系随时做到署长一哥都有可能。又有个咁大嘅仔，上次见过佢又高大又靚仔，Peter都已经好好，佢就更加青出於蓝，女同事见到佢都晕晒大浪，个个都话吾介意姐弟恋，搞到我都望多佢几眼，又确实系几正．．．都未止，佢会考好似话吾知有几多个A，读书果时又系香港游泳代表队，去过亚运参赛，响科技大学读工商管理一级荣誉毕业，总之真系羊好野都系有佢份。但一同佢倾过偈后，
&&&&第137页
你就一定会对佢改观，可能先天条件优厚，加上万千宠爱在一身，佢对人嘅态度就一ｄ都吾似佢老竇咁低调同谦虚，对住ｄ高层都重还可以必恭必敬，但系对我的一班散仔就简直系目中无人，甚至可以话系嚣张添，我的个个都话第日如果佢做左我的阿头就惨啦，好在佢毕业后冇去当差，而家响一间跨国金融机构度做紧野，．．．其实Peter平时都好少讲佢自己野比我的知，有关佢老婆嘅，佢紧系吾想比人觉得佢系靠佢老婆上位；有关佢个仔嘅，听讲话佢都吾系好生性，虽然冇话偷唉拐骗，但系就持住有个做高级督察嘅老竇成日虾虾霸霸，女朋友又成大班，间吾中又会搞到ｄ麻烦野出离，要麻烦Peter帮佢解围，呢ｄ野Peter就更加吾想比人知。所有呢ｄ料都系我周围问人先知，最后我有一个结论：个天真系吾公平：我试过偷偷去睇吓响社区中心做活动助理嘅阿Don（卓晧嘅细佬），望上去都系一表人材，高大有型，带少少孩子脸，同卓晧有几分相似，但一睇见佢做起野上离就吾多妥，行动同语言反应都有ｄ迟钝，手脚协调吾灵活，见佢行行吓都会kick到，又经常要去厕所，上次重比我见到佢同事当佢狗咁闹，话佢低能白痴，阻住个地球转，佢就只系企响度傻笑，之后又见到佢自己一个人走去后巷度喊，我真系睇见都心痛；点解咁多好野都集中响Peter身上，但佢背后又做埋ｄ咁Yin质嘅野，搞到阿Don而家咁样，仲要纵容个仔嘅恶行，我决心要替天行道．．．唉！！
&&&&第138页
伤心太平洋自从上次响荒岛见过卓晧后，佢都有成个